En lengo prouvençalo (3)
17/ Li « nouvèu », qu’èron pas, èli, sadoula,
L’entendièn pas coum’aco, voulièn pas
Que m’areste. Voulièn sa Presidènto
Forto, d’ataco, senso plus gès de crento.
18/ M’ero jurado dins li moumèns rudo,
Subre touti li mau que m’avièn vincudo,
De jamai, pu jamai m’investi en entié,
De garda, per ièu, un pau mièu mi secrèt.
19/ Tout aco m’avié fa prendre conscienço
Que mancave de douçour, de patienço,
Touto meno de causo que dins la vido
Entre-tenon l’amista tant poulido.
20/ Basta ! N’ia proun ! Fau pu regarda darié,
La fremo la mai perfeto aurié ben fa parrié,
Piro belèu ?… Fau estre un pau felado
D’endura coume ièu, quouros te vos bountable.
21/ Se me fau persista, ai coumprès la leiçoun,
Tirarai pu lou trin, poussarai li vagoun,
Moustrarai lou camin, lou prendra quàu voùdra,
Mai, fermo, chàusirai que de gens passiouna.
22/ Me vese oubligado de parla de la sorto
Per assegura, counforta la couorto,
Proufitarai enfin doù plesi pertéja
Memo se fau toujours estre de tout coustat.
23/ Coum’an fa per me redouna de courage ?
Me faire teni encar’aquèu lengage ?
Aco fai… lou vas pas creire… tind-te ben !…
Quatre cop que recoumènço aquèu refrin.
24/ Quatro fes que lou group se renouvèlo
Et que me fau adouba de pu bello,
Mai, es la mièuno aquesto « couvado »,
Partirai em’èlo… A mon tour… sen’aubado….
25/ « Lou Païs », désenant, vigilènt e prudènt,
Plan-planet afourtira soun ardour, si talènts,
Si gèns saran urous, lia dins l’amista,
Me veiran coume sièu…’co me countèntara.
26/ Vint’an ! Sian toujours qui, maugrat lis espoussado,
Li cap ben perillous, li plumo desrabado,
E tant mièu se lis avèn fa souvènt rigoula,
Cantèn pas la Prouvenço per li faire ploura ?
27/ *Gountard me l’avié di que sarié dificile,
L’ai vist ! En Luberoun, li gèns soun pas doucile
Soun durs coumo la tendro pèiro, taiado
Dins si carrièro, mai qu’ès pas ciselado.
28/ Oh, Clouvis ! T’an quiha ben aut sus un pieloun,
Lis iue vira devers ièu, per ounoura toun noum
Ai fa ço qu’ai pouscu en bono servicialo,
Diguès-ié tu, que sièu de cor ben Prouvençalo.
(fine de la segundo partido
Histori doù doù group fouclorico de Ménerbo 1977/1997)
*Gountard : Président de la Fédération folklorique Méditerra
