Ce premier jour du mois de may, Quant de mon lit hors me levay Environ vers la matinee, Dedans mon jardin de pensee Avecques mon cueur seul entray.
Dieu scet s'entrepris fu d'esmay* ! Car en pleurant tout regarday Destruit d'ennuyeuse gelee, Ce premier jour du mois de may, Quant de mon lit hors me levay.
En gast** fleurs et arbres trouvay ; Lors au jardinier demanday Se Desplaisance maleuree Par tempeste, vent ou nuee Avoit fait tel piteux array***, Ce premier jour du mois de may.
