Mon seul plaisir et ma chère partie, Dont mon pur sang et ma chair est partie, Des divins dons vous ay voullu partir, Et tant de biens en concept impartir Qu'oncques ne fut femme si bien partie. Ma saincte amour vous fut lors impartie, Et purité dignement impartie, Tant que depuys n'en a voullu partir Mon seul plaisir.
Adam feist faire à Grâce départie, Mais de vostre âme el n'est pas départie Par le péché que feist tant espartir Es lieux mondains, sans povoir départir. Vous n'avez eu tache en quelque partie, Mon seul plaisir.
