Lassé d'amours et des faits de Fortune, Tanné d'espoir et d'aimer trop fort une, Encloz d'ennui, maintenant je demeure, Car Desplaisir prend en moy sa demeure, De par Malheur qui tres fort me fortune.
Dont je me treuve sans que joye nés une Soit en mon cueur secrete ne commune : Pour quoy je dis que je suis à ceste heure Lassé d'amours et des faits de Fortune, Tanné d'espoir et d'aimer trop fort une.
Merencolie, Douleur et Infortune, Dueil et Soussy, Desespoir et Rancune, En languissant me font plus noir que meure, Puisque je suis le plus dessoubz la lune. Lassé d'amours et des faits de Fortune.
